Z

Zeynalov Nəriman Nəsrulla oğlu

Zeynalov Nəriman Nəsrulla oğlu (1933-1989) - jurnalist, ədəbiyyatşünas. Filol. e.n. (1967). 30 ildən artıq Azərb. demokratik jurnalistikasının tarixini, xüsusilə, "Molla Nəsrəddin" jurnalında sənətkarlıq məsələlərini araşdırmış, elmi və kütləvi mətbuatda haqqında bir çox məqalə dərc etdirmişdir. BDU-nun jurnalistika fakültəsində "Azərb. mətbuatı tarixi" fənnindən mühazirələr oxumuşdur. "Molla Nəsrəddin" jurnalı sovet hakimiyyəti illərində" (1922-1931) mövzusunda namizədlik dissertasiyası müdafiə etmişdir (1967). 2 hissədən ibarət "Azərbaycan mətbuatı tarixi" dərs vəsaitində (I hissə. B., 1973; II hissə. B., 1974) M.-nin jurnalistlik və red.-luq fəaliyyətindən, "Molla Nəsrəddin" jurnalının ictimai-ədəbi fikrimizdə yerindən və rolundan geniş bəhs açmışdır. Ömrünün son günlərində "Molla Nəsrəddin" jurnalı və Azərbaycan sovet satirik publisistikasının problemləri" movzusunda yazdığı doktorluq dissertasiyası müdafiəyə buraxılmışdır.